政情：丘成桐與邱氏有淵源

父親幫中大傾買地

丘成桐話自己同樟樹灘原來好有淵源，當年佢嘅父親喺港島嘅崇基書院教經濟科，之後崇基書院睇中咗馬料水嘅一大塊地，諗住用嚟興建中文大學。

擁有樟樹灘村嘅家族由於都係姓邱，崇基書院於是就派出丘爸爸同啲客家村民傾買地問題。喺同鄉同姓嘅效果下，大家傾得非常順利，中大先可以夠地興建。

寫法差一個斧頭嘅丘成桐同邱氏宗親好有關係，相反同一寫法嘅邱騰華就同邱氏宗親一啲關係都無。修繕委員會主席邱福平就話，邀請邱局長出席嘅原因純粹只係因為「同姓三分親」咁簡單。

雖然大家無乜淵源，但一眾邱氏宗親都好熱情咁招呼局長，臨走前仲向佢送上邱氏族譜，叫佢好好認識邱氏呢個大家族。