政情:龐愛蘭姊妹齊做選委

特首選舉委員會經已誕生,當中除咗發現好多父子檔上陣外,原來衞生服務界更罕有地出現姊妹檔,兩姊妹一同有票在手,佢哋就係十大傑出青年龐愛蘭(Scarlett)同埋佢相距三年嘅妹妹龐美蘭。Scarlett本身係執業藥劑師及沙田區議員,相信好多人都知,但佢妹妹龐美蘭做乜嘅呢?原來係任職器官捐贈主任。

其中從未接觸過政治選舉嘅龐美蘭,喺家姐Scarlett鼓勵下,首度參選就成功當選業界選委,令龐家有兩票選下屆特首。究竟點先可以取得龐家支持呢?Scarlett好關心多個範圍,好似年輕人禁毒問題、中產、專業人士同婦女權益,佢又事先張揚話,佢同妹妹都好支持有競爭性嘅選舉,所以唔排除支持唔夠票嘅參選人入閘喎。

第一手消息請下載on.cc東方互動iPhone / iPad / Android Apps
Money18免費即秒股票報價網站現推出8升級功能,財經資訊,實時實發!