政情：釋智慧自責錯建大佛？

大嶼山寶蓮禪寺擺放骨灰嘅問題至今仍未清晰，禪寺住持釋智慧尋日就喺天壇大佛開光周年紀念暨籌建萬佛寶殿水陸息災法會上話，放置骨灰問題會交由政府決定，但就話自從天壇大佛同昂坪360纜車相繼落成後，寶蓮禪寺嘅清靜環境不及以前，而且遊客集中喺昂坪市集消費，令到寺院及附近村民嘅收入減少，自責當初決定興建大佛有錯。