梁振英不點名狠批星島

指報道有動機 明言影響選情

梁振英出席一公開場合時，不點名批評星島旗下刊物連日來有關戴德梁行賣盤及興建如心廣場案報道「嚴重失實」，指「有關報道同渲染，對我最大嘅困擾唔係真正證明我誠信有啲咩問題，最大困擾係大量虛耗我嘅精神同埋時間」。他說約兩個月前有星島集團女記者，趁他以城大校董會主席的身份主持一個酒會時，「一路追住我，大聲咁問一啲係故意令我尷尬難堪嘅問題，同城大無關，同我參選完全無關，而係同我公司一啲業務有關，係故意咁樣問嘅」。

問及有關報道會否影響選情，梁斬釘截鐵地稱：「有！一定有！『三人成虎』，『曾參殺人』，呢啲成語故事我哋都聽好多，呢啲報道係有動機嘅！」他表示，本來今屆特首選舉有兩位建制派人士參選，是好的開端，惟「依家發展到嘅文化係咩呢？我一方面不斷畀某個媒體每日不斷係咁攻」，擔心長此下去，「行政長官選舉文化會劣質化到點樣？」梁振英明言，會考慮辭去星島非執董一職，但又形容自己與星島主席何柱國「朋友關係十分好」，否則他不會一直留在董事局。至於星島為何要針對他，他則着記者自行詢問對方。

梁振英的競選對手唐英年被問及有關問題時表示，尊重任何一份報章的編採自由，不會干預或評論。《星島日報》總編輯蕭世和否認針對梁振英，堅稱報道是基於事實，又指記者大聲不代表沒禮貌，認為梁身為公眾人物及特首參選人，若這樣也感到尷尬難堪，便要自我檢討。星島晚上再發表聲明，指如果他們的報道失實，願撤回並向梁道歉，否則請梁撤回不實指控並致歉。