死者老友：難忘血腥經歷

案發當日在場目擊經過的一名好友，昨日在網上悼念摯友郭靖，「尋晚我一合（瞌）埋眼，就即刻諗番起當時重傷倒地，我同蘇狗幫你止血嗰時你嘅樣，依家一合（瞌）埋眼，我就見到你喺殮房全身僵硬，毫無血色，傷痕纍纍，塊面仲好多血漬嘅你，我真係好心痛，係我累咗你，郭靖，對唔住」。

他並說：「郭衍靖，你真係好自私，話走就走，咁就留低咗劉曉琳喺度，仲有我哋呢，你仲記唔記得我哋成班約好咗平安夜一齊出蘭桂坊，我真係好掛住你。」

另外，郭父昨晨在多名親友陪同下，強忍哀傷到殮房認屍，其後再到警署領回兒子遺物，當他看到沾滿鮮血的衫褲，內心更加戚戚然，故拒絕領回血衣，慨嘆「唉！攞返去做乜吖！」最後他只取銀包等遺物。

死者父：子無加入黑幫

雖然警方懷疑今次事件與黑幫內訌有關，但郭父仍深信兒子並沒有加入黑社會，「佢係乖仔，平日準時返屋企，就算出夜街都會同老竇阿媽講清楚」，郭父愛子之情溢於言表。郭父自言自己都年輕過，明白年輕人有時會行差踏錯，所以為免兒子誤入歧途，他經常提醒兒子，切勿加入黑社會，兒子亦承諾會謹記父親教誨。