慈樂邨「蹓狗嘉年華」擾人

公共屋邨嚴禁養狗,但狗隻滋擾居民事件仍不時發生。居於慈雲山慈樂邨的羅先生指出,樂旺樓對出設有露天廣場,晚上不時會有數十名狗主蹓狗,恍如狗狗嘉年華,「佢哋又唔用狗帶,由得啲狗周圍走,好多邨民都會驚啲狗撲埋嚟,啲狗仲要四圍大、小二便,真係好污糟!」

該邨物業管理公司發言人重申,在屋邨範圍內公眾地方不可隨意蹓狗,保安已於上址加強巡邏,倘發現有人違規蹓狗將會勸趕。遇狗隻隨處便溺,亦將會發出定額罰款通知書,如狗主屬邨內居民,更會按屋邨管理扣分制扣分。

當區區議員袁國勇表示,區內大部分狗主均會守法,惟不少邨外人士有感上址面積寬敞,且遠離行車路,故多會帶同狗隻入邨散步,「始終會有其他人係會驚狗,希望狗主可以明白呢點,唔好為其他人帶嚟不便!」

「Money18免費即秒股票報價網站」現推出8升級功能,財經資訊,實時實發!