發展局局長林鄭月娥繞過鄉議局主席劉皇發，強硬執法取締新界村屋僭建，發叔就公開批評政府出爾反爾，先至惹怒村民焚燒林鄭紙紮公仔以示不滿。發叔喺勢成騎虎下同政府唱反調，完全忘記自己嘅行政會議成員身份，所以尋日急急打電話畀林鄭沙冧補鑊。不過，發叔唔認打畀林鄭沙冧，話兩人之間只係有充分溝通啫，又話暫時仲未諗到解決村屋僭建嘅辦法。
