【本報訊】一場無情大火，造成重大死傷，部分傷者仍在醫院與死神搏鬥，有網民昨午在親子王國討論區留言，指其表姐是大火的傷者之一，正於深切治療部留醫，希望其他網民為表姐祈禱。網民在六小時內已有四百多個回覆，紛紛留下祝福和打氣字句，盡見港人的關愛精神。
「vickiwai514」留言：「花園街火災，表姐入咗深切治療部，請大家為她祈禱。我好擔心……喺HK得佢一個表姐，由細玩到大……啱啱睇新聞我先知，即刻打畀表哥先知出事……我希望大家幫我為表姐祈禱……」「edunpx」則稱：「有朋友住花園街，好在無事，但今朝真係好驚，祝願所有人都無事。」
「vickiwai514」為表姐打氣的留言一出即一呼百應，紛紛有網民留下祝福語句，「祝你表姐大步檻過，早日康復，早日捉到啲衰人！你亦要振作要好好照顧表姐！」、「祝福你表姐，希望佢吉人天相，同時祝福所有災民，希望唔好再有人死。」、「對今次呢場火真係十分難過。」、「vickiwai表姐你要努力呀，好多人為你祈禱，加油！」十分感人。