屯門醫院被揭發因放射治療人手短缺，非緊急個案需要苦等至二○一九年先至可以接受磁力共振掃描（MRI），要病人等八年時間，真係等唔等到都成問題。不過，食物及衞生局局長周一嶽尋日就輕描淡寫話，如果病人要等咁多年先進行掃描，基本上唔需要掃描都得，又話幾年需要掃描一次嘅病人，等候係正常喎，總之院方會為有需要嘅病人盡快安排掃描。如果係安排到嘅話，就唔使等八年啦！
