政府設施擺滿路阻行人
「唔該畀條路行吓啦！」阻街問題遍及全港，政府雖出手宣傳，但卻被指「講一套做一套」。陳先生發現，位於佐敦德成街四海大廈旁之行人路放滿政府設施，令途人無路可行，「條行人路已經咁窄，政府仲係咁將啲路牌、燈柱、消防龍頭、垃圾桶放晒喺路中間，即係逼我哋行馬路啫！」
運輸署發言人表示，上址已無擴闊行人路的空間，現時的行車路面僅夠讓大型車輛從彌敦道左轉入德成街。經轉介後，該署會研究將現時路旁的行人欄杆，向行車路方向移動，以騰出空間予行人使用。
不過，陳先生坦言對運輸署的回應大表不滿，並指經常途經該處，發現常有車輛違泊期間，大型車輛如旅遊巴士等依然可以駛經，「嗰度附近有幼稚園，啲家長同小朋友好多時都被迫行落去馬路，情況真係好牙煙！」陳質疑運輸署有錯不改，無視市民生命安全，促當局盡快擬出解決方案。