疑似特首候選人唐英年嘅民望一直冇起色，尋日就有唐營中人借新民黨主席葉劉淑儀做比喻，話佢以前都畀人鬧「掃把頭」，但依家嘅民望都可以好高。葉劉聞言即時伸冤，話自己用咗五年時間每日工作，要改變市民觀感要好大誠意、要表裏合一，長時期工作感動市民，唔係一時三刻做得到嘅。葉劉嘅說話真係一矢中的，睇怕唐唐都好難幾個月內提升到民望喇。
