周一嶽懶理「一滴香」流入
【本報訊】《東方日報》早前率先報道內地食肆在火鍋湯底，大量加入疑對身體有害的食物添加劑「一滴香」，且「一滴香」更可能已流入本港。飲食界議員張宇人昨帶同一樽從內地帶返本港的「一滴香」，質問食物及衞生局局長周一嶽有何措施防止「一滴香」流入本港。但周一嶽懶理議員提問，更嘲諷議員手持的是「一滴香酒」，而非「一滴香」。張宇人指內地有人用「一滴香酒」處理食物，狠批周一嶽「唔知佢玩嘢，定係唔明白市民嘅關注」。
張宇人昨帶同一樽「一滴香」到立法會提出質詢，要求周一嶽回答當局有否對「一滴香」成分進行化驗、如何防止「一滴香」流入本港市場及食肆等。周一嶽堅稱並無發現「一滴香」在港出售，也沒有「一滴香」成分的資料，更反過來嘲諷張宇人︰「我想提醒張宇人同事，我睇過相有你嗰支，你嗰支係一滴香酒，要買啱至得。如果落都只係酒嘅成分，擔心張議員呢樽未必達到一滴香嘅目的。」
周一嶽又指，有報道稱「一滴香」主要成分是乙基麥芽酚，當局本月從市面抽取十個火鍋湯底及濃湯樣本作乙基麥芽酚等化學測試，化驗結果均合格，又指在動物實驗中，動物長期食用大量乙基麥芽酚後，亦未有出現不良反應，認為當局應小心公帑運用，針對有機會危害市民健康的食品調查。
張宇人直言聽到「火滾」
張宇人直言聽到「火滾」，他表示他是從東莞的飲食界朋友中取得該樽「一滴香」，「佢哋會用嚟撈豬肉、浸蛇，好似紅酒、白酒咁，飲食業啲人先買到，中港廚師可能喺內地用咗覺得好會帶返香港，佢係咪應該主動驗吓？唔知佢玩嘢，定係唔明白市民嘅關注。」
議員鄭家富質疑可能有其他亦叫「一滴香」、但成分並非乙基麥芽酚的食物添加劑，擔心政府未能全部化驗。另一議員譚偉豪建議當局在網上發放有關資訊。但周一嶽仍辯稱已有食環署人員巡視及向食肆派發單張，又稱有關資料「唔係準備佢哋揼，係準備佢哋擺喺度嘅。」