食署唔清理 後巷鼠患陳屍
鼠屍橫陳後巷多時，食物環境衞生署竟遲遲未作清理！李先生礙於工作需要，每晚必須多次行經灣仔駱克道後巷，早前不時目睹有老鼠在後巷四處游走，但未有部門關注，「老鼠繁殖速度快係人都知，條後巷咁多老鼠都冇人去理，連有老鼠屍都冇人清，係咪要一街都係先肯處理？」李更擔心鼠患惡化會危害市民安全。
食環署發言人表示，接獲本報轉介後隨即派員巡視上址一帶，雖未有發現老鼠屍體，但已安排外判清潔服務承辦商加強防鼠及清潔工作。發言人強調，過去三個月並無接獲相關投訴。
「食環署隔咗咁多日先去睇，仲有老鼠屍就大件事啦！我每隔一兩個星期就打去1823投訴鼠患，都估到佢哋會答冇，政府部門不嬲都各自為政，所以啲老鼠先愈整愈多！」李促相關政府部門嚴正處理鼠患問題，防患未然。