懶理午夜噪音 警卸責環保署
深夜噪音擾人清夢，警方竟坐視不理！市民午夜受噪音滋擾多會即時報警求助，但近日接連有巿民反映警員採「卸膊」政策，接報後竟指噪音問題須由環境保護署跟進，令問題要延至翌日才獲處理，但噪音或已銷聲匿迹。立法會議員直指警方推卸責任，又未與環保署釐清職權，令市民投訴無門。
居於將軍澳坑口村的廖先生坦言，多年來一直受村內食肆噪音困擾，更因長期徹夜難眠幾近精神崩潰，「間食肆已經霸咗行人路擺枱櫈，啲食客仲嘈到半夜都唔停，根本冇覺好瞓！」廖曾多次報警求助，經警方介入後食客多半收斂，暫時耳根清淨。然而，早前廖於凌晨一時再次因噪音問題報警時，警員竟拒絕到場，並稱噪音問題由環保署負責，「個警察話收到上頭嘅行政命令，話十月開始唔使理噪音投訴，呢啲即時發生嘅嘢連警察都唔到場，小市民可以點？」
事實上，上述個案並非單一事件，居於觀塘宜安街的劉小姐亦受附近超市午夜上落貨噪音滋擾而報警，「成日都喺半夜落貨，晚晚嘈到拆天，次次要搵警察嚟先會收斂啲！」
「咁夜環保署仲邊有人」
不料，近日警方竟指由十月一日起將不再處理「工業噪音」，令劉怒火中燒，「佢哋話有新指引，唔會再理呢啲噪音，仲叫我搵環保署，咁夜環保署仲邊有人？」
對於有關「行政命令」及「新指引」是否屬實一事，警方發言人未有回應，僅指警方首要職責乃保障市民生命及財產，倘噪音滋擾並未對市民構成威脅，需轉交專責部門處理。至於公眾地方的深宵噪音問題，會在有需要時採取適當執法行動。而在上述兩宗個案中，發言人指警方曾派員到觀塘處理，但未有派員到坑口村處理的原因則未有解釋。
不過，環保署發言人卻稱，在公眾地方發出的噪音須由警方審視當時情況，倘認為構成滋擾便會作出處理。環保署只會負責處理商業或工業處所發出的噪音。
「咁多年警方都處理深宵噪音，點解突然間話唔理就唔理？唔通突然間改咗法例？」立法會保安事務委員會委員潘佩璆直斥警方此舉有推卸責任之嫌。潘指商業或工業噪音均由環保署負責，但深宵噪音卻需即時解決，交由警方處理並無不妥，不滿警方與環保署未能清晰分辨職權，令市民無所適從，「兩個部門自己都分唔清負責啲咩，市民就更分唔到啦！警方同環保署係咪都要檢討吓？」
記者梁少儀