食肆油煙兜頭攻行人
食肆大噴油煙，途人慘變人肉「吸油煙機」！鄭先生不時途經大埔，發現毗連太和路的行人路充斥油煙味，經追尋一番後發現油煙乃由商場二樓一食肆排出，情況於繁忙時間尤為嚴重。鄭指油煙排氣口設於商場二樓，由上而下向行人頭部猛吹，令途人備受滋擾，「排氣口對正巴士站，仲有幾張畀人坐嘅石櫈，咁樣噴法叫人點坐？」
食物環境衞生署發言人表示，接獲本報轉介後，已經派員到上址巡查，發現其廚房抽氣系統運作正常，並沒有排出過量油煙。
「食環署話冇過量油煙，好明顯係唔理啦，咁即係叫人唔好行嗰條街啫！」鄭生坦言對食環署之回應大感失望，要求當局正視問題，還市民一口清新空氣。