特首選戰進入埋身肉搏階段，兩名疑似候選人乜都鬥得一餐。前政務司司長唐英年撤換公關團隊後，尋日下午三點半舉行辭職後首個傳媒聚會，再為自己嘅婚外情醜聞拆彈。但說時遲那時快，對手梁振英（CY）搶先喺唐唐嘅聚會開始前，透過公關預告將於本月廿七日正式宣布參選，擺明係要搶風頭。最後唐唐都不甘示弱，喺聚會透露會喺月底前宣布參選。連宣布參選日期都要鬥快，似足好勝嘅細路仔。
