中環出更：捐浸大500萬 施子清伉儷命名展廳
福建幫頭領、恒通資源集團主席施子清伉儷，聯同四位公子榮怡、榮懷、榮恒、榮忻日前慷慨捐出五百萬港元，支持浸會大學嘅整體發展同當代中國研究所工作。浸大將校園其中一個展覽廳以施子清伉儷命名，尋日舉行命名典禮，獲好多名人好友撐場。
浸大校長陳新滋仲特別題咗一副對聯，讚揚施子清教子有方，同對商界及文化界嘅貢獻。原來陳校長讀書時已經熱衷中國文學，屋企收藏唔少墨寶，做咗校長之後，大學不時收到捐款，佢就寫對聯回禮，有時靈感一到，幾分鐘就起貨，盡顯功架。
榮怡話，佢哋四兄弟學唔到爸爸咁好書法，因為爸爸冇逼佢哋學，反而會教佢哋《三國演義》，唔怪得一門五傑喺商界戰無不勝。至於榮懷原來係浸大校友，當年修讀化學系，喺浸大基金主席王英偉同前浸大校長吳清輝穿針引線之下，造就今次嘅捐款。