選委會鄉議局界別選舉，今屆破天荒出現競爭局面，各鄉頭為咗爭位，連發叔都無面畀，一定要參選。但發叔反而話有人競爭，其實係體現到鄉議局有民主，仲話自己與時並進喎。不過大家應該記得，發叔好幾次連任鄉議局主席時，都話鄉紳為咗團結和諧，所以無人同佢爭。民主同和諧呢啲咁美好嘅詞彙都畀佢用晒，發叔你好嘢！
