秀茂坪安達臣道工程進行多時，工程噪音多次滋擾鄰近居民。陳先生今年年初曾透過本報向土木工程拓展署反映問題，其後問題曾有改善，但近月「吵耳」噪音再現，更令陳大感困擾，「我住喺寶達邨達翠樓，啱啱就對正個地盤，成日都畀啲噪音嘈到瞓唔到，投訴完又係咁，真係冇晒符！」
土木工程招展署發言人再次重申，承建商已將施工時間推遲、放工時間提前，同時亦有實施紓減噪音措施，包括採用活動隔音屏障及隔音棉包裹鑿石機。發言人又稱，當局已在工程周邊安裝七個噪音監測站，定期進行環境監察及審核。
不過，陳先生仍指當局嘅回應欠缺新意，無助改善問題，「講嚟講去都係呢啲解決方法，噪音就冇少過，過一排又再大聲爆石，嘈到忍唔到，到底政府有冇顧下居民感受？」