中環出更：廠商會青委 輸波贏友誼

隊員踢過校隊省隊

平日斯斯文文嘅Joseph，卸下西裝後原來係肌肉男，佢話每日收工後會落街跑步，又會做掌上壓，唔做會瞓唔着喎。佢中學時已經係學校足球隊員，依家每兩星期都會同廠商會青委踢波，係名副其實嘅「波牛」。據講Warren以前喺澳洲讀書時都有踢波，但做嘢之後就懶做運動，搞到肥咗好多。

至於Howard原來喺加拿大多倫多讀書時都踢過省隊，唔怪得咁Fit。佢依家大部分時間會留喺上海幫爸爸手管理公司業務，雖然好忙，都不忘抽時間同上海嘅波友踢番兩場波。

黃家和（左）同囝囝黃浩鈞都鍾意踢波。	梁啟洲（右）帶太太同囡囡撐場。（潘翠華攝）	周紹榮（中）全場做後衞。（溫國佳攝）

尋日氣溫有成三十度，太陽曬到正一正，咁踢法都咪話唔辛苦，但一班青委成員都好落力踢，雖然最後落敗，青委們都話志在切磋球技，增進友誼，勝負都冇所謂喎。

卓妮