食肆擺枱櫈 霸佔單車徑
食肆非法擴充營業令單車徑收窄，食物環境衞生署被轟監管不力！陳先生不時途經沙田圓洲角路，發現上址一帶有食肆經常將桌椅擺放單車徑上，令單車使用者被迫履險，「條單車徑已經唔係闊，仲要由得佢哋（食肆）擺晒啲枱櫈出嚟，到底有冇部門巡查o架？」陳擔心騎單車者不慎碰撞桌椅而釀成意外。
危害騎車者安全
食環署發言人表示，當局除日常巡查外，亦會不時與警方採取聯合行動，在最近一次行動中，共檢控兩間違規食肆的負責人。發言人又稱，由今年四月至十月中旬，當局向上址一帶違例擴展營業範圍或引致通道阻塞的食肆提出共二十八宗檢控。
「食環署根本就係束手無策，有時啲人踩單車要踩到上行人路避開啲枱櫈，呢啲情況成日都有，部門冇理由唔知！」沙田區區議員梁志偉狠批多個政府部門未有根治食肆阻街問題，做法令人失望。