煲呔曾喺早前發表嘅施政報告宣布復建新居屋，又狂花公帑派糖紓困，一度令佢嘅民望迴光返照重返僅僅合格水平。不過，呢隻「民望防腐劑」有效期原來只得兩個星期，事關港大民調尋日公布，煲呔曾民望又重新跌至不合格，重返發表施政報告前嘅水平，反映報告帶來嘅利好因素仲消失得快過浮雲。睇嚟煲呔曾嘅民望要衰到明年六月三十日任期屆滿為止。
