政情：新立會健身室變蛇竇

新大樓喺五樓新增咗小型健身室，房內放有兩張梳化、兩部電視、兩部跑步機及兩部健身單車，方便議員一邊運動，一邊留意會議進度。健身室旁邊仲設有浴室，即使做完運動身水身汗，都可以沖番個靚涼至去開會。

立法會議員李永達尋日着住皮鞋喺跑步機上示範跑步，佢話做運動令人頭腦清醒啲，所以愈做愈上癮，依家一個禮拜至少上呢間健身室跑三次步，跑完就即刻沖涼，然後返落會議廳繼續開會。高達仲爆料，有次佢跑跑吓步，見到有其他議員上嚟攤抖。設備咁齊全，議員健康啲，議事質素唔知會唔會提高啲呢？

李永達係區議會選舉葵青麗華選區候選人，同區仲有陳志全同朱麗玲。