中環出更：旅發局晚宴 Ferragamo美酒贈田少

原來田少同眼前靚仔Ferragamo嘅爸爸分屬老友，呢位Ferragamo家族第三代掌舵人之前喺意大利買咗個酒莊，出產IL BORRO酒，佢今次來港趁機推廣意大利酒。當晚田少同Ferragamo分別捐出靚酒，後者仲送咗兩支○八年IL BORRO畀田少做見面禮添。

李錦懿身上一套黑金鑽加灰玉首飾，係家族經營嘅珠寶公司出品。

同係食家嘅紀曉華（左）同余健志係好老友，一見面即雞啄唔斷。

田少捐五支97年Double Magnum

田少話，自己今次捐出五支九七年波爾多（Bordeaux）嘅Double Magnum，每支有成三公升，夠兩圍枱飲。佢仲話，自己屋企儲咗一批○八年嘅酒，打算送畀同年出世嘅孫女，留番大個開嚟飲，真係好有心思。

旅發局總幹事劉鎮漢（Anthony）、著名食家余健志（Jacky）同紀曉華（Walter）都嚟湊熱鬧。原來三人都認為，愈簡單嘅食物愈難煮得好。Anthony自言鍾意食腸粉，一碟又薄又滑嘅腸粉加碗艇仔粥，已經好滿足。Jacky鍾情咕嚕肉同小籠包，覺得fusion菜要夾得埋至好食，試過喺台灣食咖喱雞味雪糕，感覺似食隔夜餸。Walter就鍾意食番食材嘅原味，太花巧反而失真喎。

今次晚宴由美國運通國際股份有限公司贊助，副總裁兼環球商戶服務部東亞區總經理李錦懿（Susanna）盛裝赴會，黑金鑽加灰玉造嘅頸鏈、耳環同戒指閃爆全場。Susanna話佢家族做珠寶生意，鑽飾係度身訂造嘅，唔怪得佢戴起上嚟，特別有魅力。

卓妮