浸會醫院本月初發生初生嬰兒意外墮地事件，但事後被懷疑隱瞞事件。食物及衞生局局長周一嶽前日回應事故時，竟稱女嬰不屬嚴重受傷，同意浸會唔使即時通報。可能事後佢知道自己講錯嘢，尋日就搭咗棚戲出嚟自編自導自演補鑊，將衞生署舉辦嘅「酒精與健康」研討會當做場景，然後欽點個別傳媒到場採訪，目的係畀機會自己企出來澄清，堂堂局長澄清都要藏頭露尾，真係可悲！
