觀塘站出口石壆 易刮傷行人
香港土地寸金尺土，即使行人路亦不例外。周先生指港鐵觀塘站A出口行人路十分狹窄，估計與路中設置石壆有關，周更曾目睹有途人遭石壆刮傷，「呢個位真係好窄，返工返學時嗰個位仲多人行，有時啲細路仔仲會跳上去當捷徑走，幾危險呀？」
運輸署發言人解釋，由於上址路面斜度較大，遂設置石壆、樓梯及欄杆等，避免行人因斜度太大而發生意外，以保障行人安全。發言人又稱，受制於環境因素及避免影響地下公用設施，暫時未有計劃拆除有關設施。
周先生得悉原委後雖表示了解，但仍建議當局於石壆上加設適當的欄柵或障礙物，防止行人衝上及刮傷，「唔拆得都可以加啲盆栽喺邊位呀，就算踢咗埋去都唔會割到咁傷！」