政情:棠哥寸政黨收錢唔鬧《爽報》

工聯會會長鄭耀棠一向敢言,狠批社會歪風絕不手軟,佢尋日出席鄉議局就職典禮時就狠批,某啲泛民主派政黨嘅主要捐款、甚至九成捐款都來自單一傳媒,認真唔要得。

民主原來喺地底

棠哥仲好嚴肅話,依家好多人批評壹傳媒旗下份淫賤《爽報》內容肉酸兼肉麻,但係就從來冇見過公民黨同埋民主黨出來力斥其非,唔通真係受人錢財、替人擋災?

棠哥仲寸爆話,嗰啲號稱民主嘅政黨,講嘅民主原來喺地底,情況令到佢覺得好震驚喎,所以認為,從政者當然要坦坦白白、清清楚楚交代捐款嘅來源啦,否則外界又點知啲政黨會唔會因為收咗捐款而被人左右到決定o架!

棠哥又話,工聯會每一分一毫都乾乾淨淨,咬開有血有汗,如果有人夠膽話啲錢來歷不明,唔該嗰個人即時行出嚟同佢對質,佢有道理喺手唔怕面對公眾喎!

「Money18免費即秒股票報價網站」現推出8升級功能,財經資訊,實時實發!