中環出更：孫泳恩買寒衣返美過冬

拉尼娜現象又嚟喇，睇嚟今年嘅冬天會又凍又漫長，就連移居美國嘅第一屆香港小姐孫泳恩（Elaine）都專程返港買大褸，順便見吓啲好朋友。卓妮前日行過中環歷山大廈，巧遇Elaine同名媛好友林李婉冰一齊行街，咁啱佢哋沿路撞到美心飲食王國創立人伍沾德，之後又喺遮打大廈遇到立法會議員石禮謙，三人寒暄一番，中環真係細。
孫泳恩（左）由美國咁遠返香港，好友林李婉冰點都抽空相陪。（陳嘉順攝）
孫泳恩（左）由美國咁遠返香港，好友林李婉冰點都抽空相陪。（陳嘉順攝）

貪香港衫靚多款

同林太分手後，Elaine意猶未盡，獨個兒去咗ifc間Zara時裝店睇衫，期間見佢好專心咁左揀右揀，又定晒形喺度思考，似乎興致勃勃，先睇咗條裙，之後仲着咗件短褸上身睇吓好唔好睇。Elaine話，佢一家住喺美國麻省，嗰邊天氣好凍，所以今次特登返港幾日買衫禦寒，貪香港啲衫又靚又多款咁話喎，佢尋日就要返美國睇個女喇。

最近ifc開咗間Apple Store，卓妮問Elaine會唔會去睇吓？點知佢一口話唔會，仲同卓妮講︰「美國仲快過香港啦！」睇嚟對於女士們來說，電子儀器永遠都唔會及得上靚衫靚裙吸引。

孫泳恩（左）同林李婉冰（中）巧遇石禮謙（右），三個寒暄咗一陣。
  • 孫泳恩（左）同林李婉冰（中）巧遇石禮謙（右），三個寒暄咗一陣。
孫泳恩（右）同林太分開後意猶未盡，一個人去咗ifc間Zara時裝店買衫。
  • 孫泳恩（右）同林太分開後意猶未盡，一個人去咗ifc間Zara時裝店買衫。
孫泳恩睇中咗件短褸，即刻着上身試吓。
  • 孫泳恩睇中咗件短褸，即刻着上身試吓。

卓妮

「Money18免費即秒股票報價網站」現推出8升級功能，財經資訊，實時實發！