千元點夠使 至少要兩千
【本報訊】「好似我哋兩個咁慳，有病都唔睇醫生，都要千六蚊人民幣一個月。一千蚊港紙夠食定夠住呀？」回鄉養老已十多年的鄭慰深坦言，約一千港元的「廣東計劃」津貼固然可改善生活，但要待明年初才有具體方案，根本不能解決長者的燃眉之急。他又指出，內地生活水平日益飆升，津貼金額難以解決日常生活開支，希望政府「好人做到底」，把津貼調高至二千元，讓長者安樂度過餘生。
捉襟見肘有病唔敢睇
現年七十三歲的鄭伯於六十年代初，單身到港，一直在紡織廠工作。至九六年，因年紀漸大，無法應付繁重的工作，終決定返回深圳福田區的故鄉養老，與老伴相依為命。可惜，好景不常，患有血壓高的鄭伯在○七年中風入院，影響左半身活動能力，現時要依靠輪椅代步。
由於鄭伯與妻子的日常開支全靠內地四名子女供養，每月只有一千六百多元人民幣，生活可謂捉襟見肘。「盡量都唔買豬肉、牛肉，多數買菜，最多都係買條魚，不過會分兩日食。」現年六十七歲的港人鄭太指，為節省日常開支，生病亦不敢睇醫生，丈夫平時只買成藥食，因內地醫療費用昂貴，動輒數百元，根本「病不起」。「佢真係病到郁唔到先算啦，我都唔敢諗到時可以點做。佢又行唔郁，返唔到香港醫。」
不過，也有退休後經常回鄉探親的長者認為「廣東計劃」可讓她安心養老，惟「有啲失望之處」是未有提及長者醫療津貼具體措施。