遲來的止渴 80後網民狂轟

抽新居屋難中過六合彩

八十後組織「蝸居部落」成員陳津認為，新居屋推出得太慢亦太少，單身青年宿舍作用有限，未必能吸引以結婚為目標的準買家，「居屋最快要二○一六年先有，首年二千五百個太少，解決唔到依家八十後急需結婚生仔嘅問題，不過都好過冇。」

已婚及育有一子的八十後青年梁業鵬因樓價高至今未置業，他則批評當局欠缺短期措施，估計抽中新居屋「仲難過中六合彩」，又擔心至二○一四年單位作預售時家庭收入已超出三萬元，希望當局會因應通脹作出調整。

不過，有網民認為措施過於「賣大包」，有網民指：「我唔明點解佢（新居屋買家）無畀地價，但係享受地價升值的利益」，有網民更諷刺：「點解住屋唔係免費？點解唔送個女神畀我包埋生BB？」

張小姐 20歲 自由工作者 「佢擺明射個波畀下一屆！ 依家先復建居屋要等太耐，又太少單位，香港大把青年呢個收入，嗰五年點算？好怕係空頭支票。」

譚小姐 90後 大專生 「曾蔭權之前講六大產業但無理過，佢今次都係﹃得個講字﹄，負責任政府應該一早計劃好。覺得曾蔭權唔夠能力做特首！」

經濟學家關焯照則認為置安心的「封頂價」措施太優惠，除了可獲租金補貼外，若樓價高時出售單位亦可賺取差價，認為若樓價大升會令庫房蒙受損失，對其他納稅人亦不公平。