投訴:城巴站長室斷電遲維修

站長室斷電逾月,城巴職員飽受熱氣圍攻!小龍(化名)於中環(交易廣場)巴士總站工作,但站長室早前突然斷電,令職員被迫在「冇電、冇冷氣」的環境下工作,「打開門又吸吸埋埋啲巴士廢氣,焗到我頭都暈埋!」小龍雖向城巴反映,竟獲覆「短期內都整唔好」,令小龍大感無助。

城巴發言人證實,站長室停電與電箱及地底電線發生故障有關,強調公司已設法搶修,並已即時派員到站長室加裝小型風扇及照明設備。不過,發言人解釋,由於維修工程龐大繁複,需向政府相關部門申請,會盡早完成電線安裝以恢復供電。

不過,小龍直斥城巴「講大話」,虛應事件,「風扇係就係曾經有過,不過之後又拎番走!我哋嘈咗成個星期先肯拎番把風扇落嚟,又話有照明設備,明明就冇!」

Money18免費即秒股票報價網站現推出8升級功能,財經資訊,實時實發!