北區醫院擘大眼講大話
北區醫院早前被揭亂放雜物於走火通道，現竟重蹈覆轍，繼續「擘大眼講大話」！早前有投訴指醫院罔顧消防安全，院方回應時曾虛應已清理雜物，最終被揭發大話連篇。事件曝光後，再有職員踢爆院方「死性不改」，繼續將走火通道當儲物室，貴價復康醫療器材更「通街擺」，院方再度虛應指早已清理雜物，直至謊言被揭穿後才硬着頭皮承認。立法會議員與醫學界人士皆狠批院方慣性虛應投訴，無視市民安全。
有北區醫院護士早前指院內走火通道長期堆放雜物，健身器材、乒乓球桌甚至床褥等應有盡有，院方回應時一度虛應雜物早已清理，結果謊言不攻自破。事件曝光後，職員小文（化名）再踢爆院方「死性不改」，「《東方》提過嘅地方係有清理，其他地方都仲係咁！」小文指後門走廊依舊擺滿雜物，當中更包括昂貴的醫療設備，「後門走火通道平時冇咩人出入，結果就畀人當正係儲物室咁亂放嘢，幾十萬一套儀器就同垃圾一齊擺！」
記者再次實地了解，發現三樓病房後門走廊擺滿雜物，由廢紙垃圾、輪椅、長梯以至大型復康及健身器材應有盡有，狹窄通道儼如儲物室。院內尚有多個樓層升降機大堂及通道等亦放置大量輪椅、床單及病床等，即使職員經過亦未有清理或移動。
北區醫院發言人再次接獲查詢後，即指有關投訴已屬一年多前的問題，相關雜物已「一早冇晒」。但當記者表明曾目睹雜物後，發言人始稱「即刻再去睇吓有冇」，隨後又指乃因應病人需要而將部分物品擺放病房附近，使用完畢將妥善存放，認為職員對消防安全有所誤解，強調並未違反《消防條例》。
至於消防處發言人則僅以口頭回應，指接獲轉介後已再次巡查，但未有發現違規。
昂貴儀器垃圾擺埋一堆
立法會議員葉偉明得悉北區醫院再被發現雜物堵塞通道後，直指院方做法無視市民與職員安全。葉指公立醫院人流極多，一旦忽視通道阻塞問題，後果將不堪設想，「病人多數行動不便，如果啲嘢長期咁擺晒喺走火通道，有起事上嚟點疏散？」
「話將啲儀器擺近啲病人會方便啲，咁點解啲儀器又會同垃圾雜物放埋一齊？咁講擺咩喺通道都得㗎啦，分明狡辯！」全民健康動力主席勞永樂直斥北區醫院解釋敷衍，要求院方及消防處嚴正處理事件，「醫院有咁多病人，消防處絕對有責任加緊執法，唔應該喺度官官相衞！」