煲呔曾認衰？冇咁好死。抽水和卸膊是此公的兩個招牌指定動作，就算扮嘢思己過，也絕不會放過機會。他早前為「蔭權七年」管治亂象作結，終於開金口「認衰」，弊在秉性難改，似攞威多過認低威。
最有爆炸性的話題當然是樓價，市民期待這個令他們望樓興嘆的始作俑者九十度鞠躬謝罪，豈料煲呔曾一句「有缺失」的「老實話」輕輕帶過就算，還將責任統統推給前朝，指董建華當家時，對九七金融風暴反應過敏，大幅減少土地供應，樓市泡沫與小曾無關。
出完卸膊神功，該輪到抽水秘笈出場。既然香港所有問題的焦點是「點解我買唔到樓」，而這筆帳又已經算到老董頭上，樓價高企與自己無關，「民生、經濟和政治都有顯著進步」，當然是我煲呔曾的功勞。稍稍一「抽」，罪人成了功臣，功夫果然了得，問你服未。
除了技驚四座的表演功夫，煲呔曾還有「理論突破」，民望跌至只得四十多分也算「相當唔錯」，耳熟能詳的「求學唔係求分數」口號，演變成「做官唔係求分數」、「施政唔使睇民望」的「曾氏思想」，正宗港產貨，比剛坐上大位時東施效顰式的「進步發展觀」強多了，誰說我煲呔曾不是「政治家」？
「名不必自我成，功不必自我立，其次亦功成而不居。」辛亥革命先驅、被法國人譽為「中國革命之拿破崙」的中華民國開國元勳黃興如是說。在高風亮節、虛懷若谷的真豪傑面前，煲呔曾這個九流政客，活脫脫一個真小人。