全國人大常委范徐麗泰自從話唐英年係可以接受嘅特首人選之後，以為佢已經打消咗選特首嘅念頭喇，點知隨着事態嘅變化，范太嘅立場亦峰迴路轉。
工聯會會長鄭耀棠尋日被問及對范太近日嘅言論點睇時，直言畀范太「搞到好糊塗」：「佢一時話選，一時又話唔選，一時話支持呢個，一時又話唔支持呢個，不如等佢諗清楚先講啦。」棠哥今次又講得幾有道理喎！
