唐英年嘅婚外情醜聞傳開後，挺唐派空群而出力撐。港鐵行政總裁周松崗尋日就硬撐唐唐，話古今中外嘅從政人士都有婚外情，但一般嚟講都唔會對施政或歷史地位有好大影響。周總咁撐法，莫非想叫大家唔好追問落去，就算有婚外情都無問題？依家公眾嘅關注點，係唐唐點解到呢一刻先至自我引爆醜聞，引發誠信問題。所以挺唐派亂咁撐，係咪幫唐唐倒米真係好難講。
