中環出更：廠商會青委 最愛「飯敍」一刻
中華廠商聯合會嘅青委成員平時各有各忙，但感情好好，開完會之後，大家唔會即刻散會走人，反而會諗吓去邊度食嘢輕鬆吓。佢哋日前又拉隊去位於銅鑼灣嘅香港日本人俱樂部餐廳食晏，席間仲得知廠商會副會長顏吳餘英大女顏明潤（Jaclyn），明年二月會榮升青委主任一職，真係恭喜晒。
當日去食晏嘅除咗現屆青委主任梁啟洲（Michael）外，仲有名譽主席李慧芬（Stella）、蔡志婷（Eva）同委員周紹榮（Joseph），佢哋幾個都好鍾意食日本菜。Joseph話，佢好鍾意日本文化，仲同前日本駐港總領事好熟，年前得到對方推薦做Sakura嘅會員，最鍾意食魚生飯，夠晒新鮮。
青委們正忙緊籌備兩個活動，分別係「Teen創商機」比賽及廣告短片大賽，都係畀中學生參加，希望學生可以從比賽中學習點樣發揮創意同點樣創業。佢哋話青少年係未來社會棟樑，重點培育學生，就等於幫手構建香港未來。
卓妮