師奶兵團參戰渡海泳
【記者張美蘭報道】維港渡海泳賽停辦三十三年本月中復辦，吸引大批游泳好手參與外，亦有師奶兵團加入戰圈！六十三歲退休小學老師黃美珠泳術了得，堪稱「師奶蝶后」的公開游泳比賽常客以運動熱情感染兩名天水圍師奶，告別慵懶生活，游出健康，更「膽粗粗」出戰新世界維港泳。黃老師新目標是感染更多師奶做運動，但也不忘勉勵年輕人：「游水可鍛煉意志，千祈唔好放棄！」
「肯定贏咗友誼」
三個女人不止一個墟，更是一支泳隊！黃美珠（師奶朋友暱稱她珠女）與補習老師張美英、按摩師陳虹，因游泳池相識而結緣。各人在泳池不談八卦是非，反而對游水技巧七嘴八舌：「佢呢個蝶式姿勢真係好靚！」「佢游得好慢！」「游咗幾年，肚腩都細咗！」「佢以前係小肥豬！」你一句，佢一句，互相監督，備戰人生第一次維港渡海泳，「唔知贏定輸，但肯定贏咗友誼。」
珠女是師奶兵團團長，小學三年級加入泳隊，熟習游泳四式及公開水域泳賽的常客，水花濺過淺水灣、大美督等，一游就是逾千米，上月更奪得屯門水運會先進組三枚金牌，魄力不遜年輕人。
「一花獨放不是春，萬紫千紅才是春。」珠女認為最重要其他人也游得出色，故不收分文教導師奶學游水。患哮喘的張美英及有腰椎痛症的陳虹，泳池遇到「健康救星」珠女。「十幾年都冇游過水，識咗佢就變咗日日游！以前掛住賺錢，冇諗過運動，依家先覺得有健康先有前途。」陳虹笑說，好像重新找到人生目標。
泳術「麻麻地」的張美英也不諱言，以前絕少踏足泳池，「鍾意就游，唔鍾意就抖，典型師奶生活。」有珠女在旁鼓勵，才「的起心肝」操練，習泳日子有功，連哮喘病也鮮有復發，「以前一個月睇一次醫生，依家幾乎成年都冇。」
珠女成功令五十幾歲師奶告別慵懶、無所事事的主婦生活，其魅力源自積極樂觀的信念。