天要下雨，娘要嫁人，都是迫不得已的事。對於林公公富貴真要逼人來，冇計啦！
民望低又如何？民望低到谷底就會反彈。早前有學者上千言公開信，其中一句是說：林公公若辭職就是對政府的最大貢獻。如今，林公公一個鯉魚打挺躍龍門，官拜特區二把手，貴為政務司司長，揚眉吐氣，嘻嘻！你又吹得我脹咩？
李白《行路難》有句：「吳中張翰稱達生，秋風忽憶江東行。」詩是說晉名士張季鷹，因思故鄉之菰菜、蒓羹、鱸魚，遂辭官而歸，有人卻漏夜趕科場。
如今，林公公通完波仔，有心有力，不再囿於替補機制的是是非非，要大鵬展翅，不做一隻小小小鳥。為香港市民謀福祉啦！他不再做人肉錄音機，他要竭盡所能，在未來九個月燃燒自己發光發熱，為香港為市民落實一系列社會、經濟、民生的事宜，努力確保第三屆和第四屆特區政府能夠順利過渡和銜接。
未來九個月可以做足九年都做唔完嘅嘢，特區政府有此能吏，又何懼「四海翻騰雲水怒，五洲震盪風雷激」，一於「萬水千山只等閒」，煲呔曾可以吹着口哨光榮下山了。
「圓滿光華不磨鏡，掛在青天是我心」，視民望如浮雲的煲呔曾，腳頭看來比唐唐更好。也許，警察世家真係有運行！
「我爸是李剛！」看來不及「我爸是警察！」管用。老朽亦開始相信冥冥中自有主宰，富貴貧窮由不得你，愛拚不一定會贏！