疑似特首候選人、前政務司司長唐英年龜縮多時，尋日終於公開承認有婚外情，但係就唔肯透露喺幾時發生、女主角係邊個、得一單定係幾單、有冇私生子等，佢同太太都堅稱事件「已成過去」，唔會再作回應喎。
如果咁就可以甩身參選特首，咁年前被傳媒揭發有婚外情嘅前特首辦主任林煥光、以及畀記者撞正當街攬女嘅前廣播處長朱培慶，當初就唔使引咎辭職啦！
