野蠻港女跌電話鬧殘男友
【本報訊】今時今日在港鐵很多人都會埋首於手提電話，日前在短片分享網站YouTube便有一段片為一名女子被一名男子撞跌手提電話，憤而向對方破口大鬧，要求對方賠償，該男子並無理會，離去後，該女子遷怒於男朋友，怪責男友無替她出頭。不過，有網民質疑片段「難分真與假」，又有人認為是廣告。
該片題為「新買電話港女屈潮童錢featuring肥華英雄苙水」，片長兩分四十五秒，十月二日上載。
現場為人來人往的港鐵站，一名女子高叫：「賠錢！你撞到我電話啊！我部電話啱啱買咋！」男子則回應說：「大家都係跌，咁多人逼埋，撞到妳部電話有幾出奇啊？妳自己揸唔穩咋喎！」
女子續稱：「唔賠？報警囉！」男子並無理會，而女子的男朋友則示意男子離去。女子於是遷怒於男友：「我畀人恰到上心口喇！你又唔出聲，你係唔係人嚟㗎？」男友沒有反應，女子則稱：「我唔制啊，我憎死你啊！」隨即踏地，並將一個紙袋擲向男友，氣沖沖地走開，男友在幾秒後追上。
網民質疑似廣告
網民對於這場鬧劇，形容為「難分真與假」，有人甚至說：「有人信嗰吓先神奇」、「不知所謂爛橋電話廣告」、「好假……睇到最後個肥仔走到好似拍喜劇咁」、「好明顯，做緊戲，好假好假」。