官地水渠變「孤兒渠」，路政署與民政事務總署被轟互相推卸責任！郭先生為大圍下徑口村居民，早前發現上址一條去水渠建於官地之上，每逢下雨便有淤塞情況，平日則長期出現積水，蚊患嚴重，「我初時同民政投訴，民政叫我搵地政；地政又話係路政嘅事，到依家都冇人理過（條渠），又冇人覆過，啲政府部門真係離晒譜！」
路政署發言人表示，該去水渠是由沙田民政事務處負責清理淤塞，並已通知民政處跟進。不過，民政處發言人卻稱，有關水渠非由民政處、路政署或渠務署負責興建維修。發言人又建議郭查閱有關地契，了解上述渠務的權責，然後向相關的政府部門查詢。
「路政同民政根本就係卸膊，身為政府部門都唔釐清權責反而叫市民自己去搵，有冇搞錯！」當區區議員韋國洪狠批政府未有積極跟進市民查詢，令人大失所望。