作為政府官員，虛心聽取意見當然係美德，但係如果當係政治口號或者當歌仔咁唱，就即係嘥氣。有幾個團體發起遊行要踢走新任政務司司長林瑞麟，林瑞麟第一時間發聲明回應，佢話會虛心聽取各方面嘅聲音。其實虛心聽意見呢個講法，特區政府已經用過好多次，包括煲呔曾、已辭職嘅唐英年甚至剛獲擢升為特首辦主任嘅梁卓偉，佢哋有冇虛心聽意見，大家心裏有數喇。唔聽意見嘅結果，咪係同社會脫節，搞出一個虛弱嘅政府囉。
