社民連約五十名成員尋日遊行到中聯辦，抗議十‧一「沒有國慶，只有國殤」，要求中央平反六四事件及釋放所有政治犯等。期間有警員話示威者帶同嘅道具棺材同花圈係「危險品」，需要沒收，雙方爆發衝突，最後有一名示威者被捕。如果棺材同花圈都係危險品，咁全港嘅殯儀館咪要申請危險品牌照？擺明係警方趁十‧一向阿爺擦鞋，濫權打壓針對中央嘅和平示威。
