新任政務司司長嘅林瑞麟民望有幾低，大家都知。曾自爆「視民望如浮雲」嘅煲呔曾為咗幫呢次任命辯護，再次發表謬論，亂咁噏話愛民望嘅官員係獨善其身，但愛香港嘅官員唔可以，要迎難而上、務實進取。咁又係嘅，煲呔曾其實同林D9都係不相伯仲，佢讚林D9因為愛港而民望插水，某程度亦係曲線讚自己。不過相信任何有正常智商嘅市民，都唔會畀煲呔曾嘅謬論呃到。
