政情：港大測風快過天文台？
颱風納沙襲港突然改掛八號風球，令唔少人措手不及，不過幸好颱風及時遠離，港大榮譽院士頒授儀式先可以喺尋日黃昏順利舉行。
港大校長徐立之話，前日晚飯時間至同天文台嘅人員討論過，話今日八號風球嘅機會唔高，點知尋日朝早一覺醒來就已經係八號波啦！徐校長話由朝早六點開始，不斷觀察颱風嘅走向，至中午時分，就好肯定呢個颱風逐漸遠離，雖然天文台尚未宣布，都決定頒授典禮如期舉行。徐校長今次又判斷得幾準喎。
至於到場慶賀父親獲頒榮譽院士嘅公職王陳智思，就話朝早要由司機通知，至知掛八號風球。佢話港大嘅預測好準確，當大家認為是次典禮會因颱風而告吹之際，佢父親陳有慶就喺下午收到典禮如期舉行嘅來電，果然喺儀式進行前一小時，改掛三號風球。不過陳智思即晚要搭夜機去美國開會，擔心飛機班次會否因颱風而打亂。