看馮夢龍《笑史》——寫一女子容顏，只用「玉淨花明」四字，再無贅言。寫女子，自不必寫了眉再寫眼，寫了鬢再寫簪的。誠然，只這一玉、一花、一淨、一明，女子如玉的美，如花的好，便已瑩瑩如月，皎然出矣。
事實上，寫淫賤黎，只用四字——宣淫販賤，境界全出，也再無贅言。好地地嘅傳媒生態，佢就係要污之染之辱之，唔神憎鬼厭就唔爽唔喪！你自虐就好啦，卻把一個時代帶向反智及混沌的局面，作為家長、老師，真係唔想貪你送乜送物就會「爽」，皆因食完都補唔番個腦。淫賤黎假借「聲影漫畫多媒體」為號召，實則藉「大眾化」拉低整體傳媒文化水平，後生一輩習慣靠影像暴力色情漫畫去認知思考呢個世界，遲吓連寫張「便條」都唔掂！
喜歡自虐自慰嘅淫賤黎，就是不相信自然規律，天地有大道，為何要淫盡爽盡原先「歲月安穩」嘅世界？不懂自我約束，以爛果砸自己腳而喪呼：爽死了！
人貴自知則少辱，淫賤黎《爽報》派通街，除了製造垃圾，益了回收商外，佢自己就感覺良好，又吹噓「好快派晒」，又話啲老師搶學生嘅《爽報》一借不回，講到啲老師好似色情狂咁！
馬克思個女燕妮問歷史學家維特克：「你可否用最簡明嘅語言，把人類歷史濃縮在一本小冊子裏嗎？」維特克笑說，他只要四句話就掂，其中一句是：「上帝讓誰滅亡，總是先讓他膨脹。」這話活脫脫為淫賤黎度身訂造，老朽再無贅言。