代表港府去咗江西南昌出席泛珠三角合作論壇嘅政制及內地事務局局長林瑞麟（林D9），前晚突然提早結束行程趕返香港，盛傳會接替即將辭職嘅唐英年出任政務司司長有關。不過，政制局發言人就聲稱，林D9只係趕返港處理替補機制喎。記得林D9早前為咗爭表現博上位，做完通波仔手術連屋企都唔返，就立即仆返政府開工，估計今次佢咁樣趕頭趕命，搞替補機制就假嘅，想替補做政務司司長先至真！
