政情：施榮懷競逐廠商會會長

廠商會尋日舉行會員大會，考慮參選多時嘅Irons，開腔表明有意問鼎會長寶座。佢信心十足話，已爭取到唔少會董嘅支持。十月廿四日會長選舉，便知分曉。Irons現時係唯一候選人，勝算極之高，會長黃友嘉（David）都開到口話撐佢，連「疑似對手」羅富昌都話唔玩，會長人選，呼之欲出嘞。

不過，會長之路，並唔易行。歐債危機波及全球，Irons預計，香港經濟將急劇轉壞，近日佢收到兩至三位工展會參展商，要求取消攤位合約，亦有商家表示因資金周轉不靈，要求延遲支付參展費。身為經濟專家嘅David都話，外圍環境不明朗因素將交錯出現，預期香港經濟下行風險大增。