投訴：圍欄東歪西倒路署扮懵
行人路圍欄嚴重損毀，路政署被指「唔踢唔郁」，遲遲未作維修！林小姐不時途經沙田碩門安睦街，懷疑圍欄因曾被撞擊致東歪西倒，事隔多時仍未見當局維修，「個欄爛咗好耐都冇人整，政府又話關注民生，原來都係得個講字！」林指圍欄用以分隔行人路及馬路車輛，損壞後功能盡失，儼如廢鐵。
路政署發言人表示，曾於今年五月巡查上址，未有發現圍欄損毀，接獲本報查詢後即時派員實地查察，懷疑該處圍欄曾遭車輛碰撞，已安排將損毀圍欄更換。
「點解要市民投訴先做嘢？唔通啲公務員日日都係坐喺辦公室歎冷氣，出面啲嘢爛晒都唔知？」林小姐坦言對路政署的回應甚表不滿，認為當局應主動巡查旗下設施，而非被動地在市民投訴後才「補鑊」。