投訴：「亞洲頂級」單車公園得個擺字

慈雲山區人口約十萬，休憩用地一直被指不足。政府早在○五年便銳意於區內發展一個佔地九點五公頃之休憩公園，造價達四億八千萬元。有關工程於○八年一月動工，分兩個階段進行，其中第二階段工程包括興建一個「單車公園」，內設高水平BMX單車場及一條全港最長、長約一公里的高架單車徑，連接慈雲山及鑽石山屋苑及學校。

上述工程原定於去年內分階段竣工，但今年年初當局再將預計竣工日期延期至二○一一年第三季。

居民指公園二期內部主要工程已完成，對遲遲未作開放表示不滿。

公園一期已開放近一年，標示牌更已有脫色迹象。

踏入九月，黎先生仍發現單車公園開放無期，「見到啲工程已經做晒，平日又冇人開工，總之就成個公園丟空喺度，真係好嘥﹗」

公園要待完成檢測程序後預計今年年底才全面開放。

放大圖片

康文署發言人承認，公園的主要工程經已完成，現正按計劃進行全面檢測，以確保設施安全；發言人重申，檢測工程並無延誤，預計公園將於今年底前完成。

不過，香港單車聯會執行委員陳志強卻踢爆事涉康文署「自把自為」，「佢哋（康文署）起之前有問過我哋，但只係問啲大方向嘅嘢，一講到落實細節就冇咗下文！」陳指早前曾應邀往單車公園的BMX場地了解，發現場地硬件大致已完成，惟因場地「難度太高」，以致配套軟件仍需微調。

「外行人領內行人」

陳志強雖然未有提及出現問題的細節，但卻直指當局專業主導，「佢哋啲專家有專家意見」，卻忽略用家建議，「政府根本有自己一套，施工、用料嗰啲都冇問過用家，之後有問題又搵番我哋出嚟修修補補！」

「淨係識追求啲『亞洲第一』，但啲設施係咪真係滿足到一般使用者？」香港城市大學專業進修學院學術統籌宋立功指出，去年申辦亞運失敗後，港府曾許下承諾，於普及運動投放更多資源，但因康文署向來官僚文化甚深，即使內部「專才唔多」，但卻忽略用家意見，往往只作「姿態性諮詢」，致令經常出現「外行人領內行人」情況，結果令建設脫離群眾所需，「搞到自己進退失據」！